Txoj kev hlub kuv ua tus txhaum

Kev nkauj nrog, kuv ua tus txhaum

Tsis sib haum, cia nyias mus nyias

Tub siab tias, wb tsis muaj hmoo

Txoj kev zoo, txog tog thiaj plam

Txawm tsis kam, los twb muaj lawm

Mam coj kawm, mus txoj kev deb

Ncaim lawm se, puas yuav kaj siab

Coj tus ntxhiab, mus tas ib txhis

Mus ploj ntshis, tsis muaj hnub rov

Luag tsis hmov, los kuv thov txim

Se puas dim, txoj kev ntxhov nyom

Ntshe yuav pom, tus neeg zoo tshaj

Mam li npaj, lub neej koj ntshaw

Mus kom kawg, txhob nco lawm mog

Wb tsuas yog, npau suav lawm xwb

Ntawm koj wb, yuav tsis muaj ntxiv

Zoo niam txiv, tiam no tsis muaj

Kev dhau tuaj, ntxhov siab ntxhov plawv

Tsis xws lawv, sib hlub sib fwm

Tsis muaj lwm, thaum kawg thiaj tshuav

Tsis thov yuav, ib zaug ntxiv lawm

Txoj kev cawm, ces mus zoo koj

Ua siab loj, mam pib tshiab dua

Thov kom ua, lub neej kaj ntsig

Yeej tsis lig, rau sij hawm no

Kuv pom txog, yeej zoo siab lawm os tus neeg kuv tau hlub dua.