paj huam hmoob lub neej

kuv yug los, yog ib tus hmoob;
nyob pem roob, ntawn txoj kev lem;
lub neej phem, nej puas tseem nco;
nyob ntawm no, kuv xav sawv los;
rov tham txog, peb hmoob lub neej.

 

peb keeb kwm, muaj tsi txhiab xyoo;
kuv los nroo, ib ntu ib los;
lam hais txog, kom nej to taub;
sau ua ntau, ntshe yuav ntau heev;
thiaj li seev, ua lus paj huam.

 

ntuj thaum ub, tsiv teb tsaws chaw;
kua muag daw, peb tseem nco ntsoov;
thiaj tsis hloov, kab lis kev cai;
seev niam yai, twb tseem hais txog;
hmoob lub zog, ua qhev rau luag.

 

yav tas los, ua tsov ua tsog;
tim lub zog, los yog txoj hmoo;
teb chaws zoo, thiaj tau poob lawm;
peb khiav tawm, liaj av teb tus;
lawm ntu zus, txog niaj hnub no.

 

raws dej mus, lawm sab hnub tuaj;
txawm tsis quaj, los kua muag poob;
txij li hnub, ywm mus ywm deb;
nco qub teb, peb niam dej dag;
xav txog mas, tu siab ua lauj.

 

tej laus poob, peb ntaus suav tsog;
twb vim yog, txheej ntuj taum i;
nom tswv li, kev cai tsis ncaj;
sib sab laj, twb dhau tsis taus;
thiaj sib ntaus, tau ntau ntau txheej.

 

toj tuag no, thiab dawm tuag tshaib;
tig los saib, siab ia li kuab;
toj kab ntsuab, thiab dawm kab ntsig;
tsis muaj tis, peb tsiv taw mus;
muaj ntau tus, tuag tshaib tuag no.

 

muab hais txog, txoj kev khiav tawm;
lub sij hawm, thaum poob tsov rog;
mus tas zos, nrhiav liaj teb tshiab;
plaub tsib txhiab, lub xyoo dhau mus;
peb khiav mus, puv ntiaj teb tas.

 

hais ntxiv mas, yuav muaj ntau heev;
muab los seev, tsis txhua sij hawm;
tub ntxhais kawm, vam nej paub tab;
hmoob txooj hmab, yuav nej los txuas;
tub ntxhais hluas, nej yuav tsum npaj;

tsub siab ncaj, los kawm txuj ci;
hmoob thiaj li, muaj kev vam meej;
dhau ib txheej, mus lawm ib tis os hmoob!