苗语苗文学习经历分享之Kuv Txoj Kev Kawm Lus Hmoob

去年我偶然间结识了一位特殊的苗语苗文爱好者，之所以说他特殊，是因为他是一位汉族同胞，至少目前为止，在我们苗语苗文学习圈子里，仍然是比较罕见的。经过近一年时间的学习，他取得了很大的成就，已经可以用苗语进行日常对话，讨论很多话题，也可以用苗文写作进行表达。这对一位从来没有接触过苗语的初学者来说，是相当难得的，所以我邀请他把自己的学习经历写了出来，和大家分享，我在这里也对该朋友的分享表示感谢，希望可以以此为榜样，激励大家学好苗语苗文。

Nyob zoo ib tsoom kwv tij neej tsa sawv daws, kuv xav qhia me ntsis txog kuv txoj kev kawm lus Hmoob thiab cov laj thawj uas ua rau kuv txiav txim siab kawm. Kuv tsis yog tus yug los txawj hais lus Hmoob, yog li yog muaj qhov twg siv lus yuam kev lawm, thov nej sawv daws zam txim ntxiv.

Ua ntej tshaj, kuv yog ib tug tub Suav, tsis yog Hmoob, thiab muaj coob leej ntau tus uas tsis paub tias vim li cas kuv thiaj xav kawm lus Hmoob lossis kuv ua li cas thiaj paub lus Hmoob. Nyob rau thaum xaus xyoo 2022, muaj hmoov kuv tau hnov ib zaj nkauj Hmoob suab qab zib heev. Thaum ntawd, kuv tsis paub tias lo lus twg yog lo lus twg, thiab yeej tsis paub txog lub ntsiab lus ntawm zaj nkauj ntawd; tsuas paub tias kuv tsis tau hnov ib zaj nkauj uas muaj suab txawv li no dua li. Zaj nkauj no qab zib dhau heev ua rau kuv xav paub nws lub ntsiab lus. Yog li ntawd, kuv thiaj muaj kev xav tias yuav mus kawm hom lus no.

Lub sij hawm ntawd, kuv nrhiav tau me ntsis phau ntawv qhia txog lus Hmoob lub suab, tab sis vim kuv nkees dhau, ces ob peb hnub dhau mus, kuv tso tseg kiag lawm. Kuv yeej xav tias tej zaum kuv yuav tsis kawm lus Hmoob ib zaug ntxiv lawm. Tsis ntev tom qab ntawd, ob peb hli tom qab, kuv rov qab hnov tau ib zaj nkauj Hmoob zoo heev, thiab zaj nkauj no tseem ua rau kuv txhawj xeeb ntxiv, thiaj ua ib siab kawm mus ntxiv.

Txawm tias kuv muaj phau ntawv qhia lub suab lawm, tiam sis kuv yeej tsis paub yuav kawm li cas, vim kuv tsis yog Hmoob thiab laj nrhiav phau ntawv uas qhia txog lus Hmoob kom zoo. Tiam sis, muaj hmoov heev, ntawm internet no tseem tshuav qee qhov chaw uas txhais tau lus Hmoob. Cov website no tsis yog zoo tag nrho, vim lus Hmoob yog ib lo lus uas siv sib txawv ntawm tej chaw. Piv txwv hais tias Hmoob Suav hais lus Hmoob tsis ib yam tag nrho li cov Hmoob nyob Nplog Teb. Yog li ntawd, cov website txhais lus Hmoob ntawd muaj ntau qhov yuam kev, tab sis rau lub sij hawm ntawd, nws twb txaus zoo rau kuv lawm.

Lub sij hawm ntawd, kuv xaiv zaj nkauj Hmoob uas kuv nyiam ua phau ntawv los kawm lus Hmoob. Tos kuv paub cov lus yooj yim tshaj plaws ntawm lus Hmoob, kuv pib nrhiav neeg Hmoob los sib tham, tab sis nws yeej tsis yooj yim li. Vim rau qhov hais tias tsis muaj tus qhia ntawv Hmoob saum internet, thiab txhua tus neeg muaj niaj hnub hauj lwm, tsis muaj sij hawm los qhia kuv. Yog li ntawd, txawm kuv puab tau tsawg tus phooj ywg Hmoob, lawv yeej tsis muaj sij hawm los nrog kuv sib tham txog ces kuv yeej kawm tsis tau ntau. Qhov zoo yog kuv paub ib tug phooj ywg Hmoob Suav siab zoo heev uas pab kuv ntau heev. Thaum kuv muaj lus tsis paub ces kuv mam mus nug nws.

Lub sij hawm dhau mus, kuv maj mam nqis tes kawm lus Hmoob, txawm tias thaum pib kuv ntsib ntau yam nyuaj, tab sis kuv yeej tsis tau tso tseg. Kuv mloog nkauj, tshawb xyuas ntaub ntawv, thiab sib tham nrog phooj ywg, ua rau kuv txoj kev nkag siab txog lus Hmoob maj mam tob zuj zus, kuv lub suab tseem pib txawj dua qub lawm thiab.

Kuv pom tias, kawm ib hom lus tshiab tsis yog tsuas yog kawm cov lus thiab kev sau ntawv xwb, nws yog ib yam kev paub txog kev coj noj coj ua. Los ntawm lus Hmoob, kuv tau pib paub txog Hmoob cov kev cai qub, lawv lub neej, thiab lawv txoj kev qhia siab lub ntsws. Thaum twg kuv hais tau ib lo lus tag nrho, thiab tau txais ib lo lus teb ntawm lwm tus, kuv yeej muaj kev zoo siab thiab tau txais txiaj ntsig ntau heev.

Qhov tseeb, qhov kev kawm no yeej muaj ntau yam kev sib tw. Qee zaus, kuv yuav hais lus tsis meej, lossis tsis nkag siab tej lus Hmoob uas hais txog tej yam mos mos. Tab sis, tseem yog cov kev sib tw no uas pab kuv kom muaj kev kawm ntxiv. Kuv pib nkag siab tias, kev kawm ib hom lus tsis yog ib qho kev ua si xwb, nws yog ib qho kev kawm nyob hauv nruab siab. Nws qhia kuv kom muaj kev ua siab ntev, ua tib zoo, thiab yuav tsum ua siab tawv mus ntsib cov kev nyuaj.

Thaum kawg, kuv xav tias, kev kawm lus Hmoob tsis yog tsuas yog nthuav kuv txoj kev txawj ntse txog cov lus xwb, nws tseem ua rau kuv to taub txog Hmoob kev coj noj coj ua dua. Qhov kev kawm no qhia kuv tias, kev kawm ib hom lus yog lub yawm sij qhib lwm yam lub ntiaj teb tshiab. Txawm kuv ntsib ntau yam kev nyuaj, yog kuv ua siab ntev, kawg yuav tau txiaj ntsig. Lub sijhawm kawm lus Hmoob no qhia kuv txog qhov tseem ceeb ntawm txoj kev kawm, thiab ua rau kuv txaus siab txog qhov kev kawm no ntau heev！